E ardhmja e trajnerit të Realit të Madridit, tashmë është e qartë për të gjithë. Tekniku italian do të ulet në stolin e përfaqësueses së Brazilit, duke filluar nga viti 2024, menjëherë pas përfundimit të kontratës me mbretërorët.
Klubi spanjoll po punon që tani për të gjetur zëvendësuesin e Ancelottit e nga mediat spanjolle, kanë dalë në dritë emra shumë interesantë.
Trajneri i Bayer Leverkusen, Xabi Alonso është prioriteti kryesor i Real Madridit për të ardhmen.
Sipas Bild, Real Madrid e sheh Xabi Alonson si zgjedhjen më të mirë për të zëvendësuar italianin verën e ardhshme.
Trajneri spanjoll punon te Bayer Leverkusen që nga tetori i vitit 2022 dhe rezultatet e tij, në krye të “Aspirinave” kanë qenë shumë mbresëlënëse. Basku e mori Leverkusenin, në një situatë kaotike, teksa gjendej në luftë për mbijetesë.
Alonso arriti, jo vetëm që ta shpëtonte skuadrën nga rënia por e kualifikoi në Europa League.
Discussion about this post