Kriza që po përfshin dita-ditës vendin tonë me rritjen e vazhdueshme të çmimeve dhe kostos së jetesës ,krahas pagave dhe pensioneve të mbetura konstante, ka sjell nevojën e uljes së tatimit mbi vlerën e shtuar, kryesisht mbi mallrat e shportës bazë ushqimore.
Partia Demokratike siç edhe është lajmëruar më herët nga kryetari Lulzim Basha do të depozitoj sot projektligjin për reduktimin e TVSH-së nga 20% siç është aktualisht në vetëm 6%.
Partia Demokratike në këtë nismë konkrete të ndërrmarrë synon arritjen e dy objektivave kryesorë: uljen e cmimit të produkteve të konsumit bazë si rezultat i uljes së zinxhirit të kostos nëpërmjet uljes së detyrimit tatimor si dhe zbutjen e varfërisë nëpërmjet mbajtjes në kontroll të cmimeve të produkteve bazike të shportës ushqimore, duke u dhënë mundësi për jetesën shtresave të varfra dhe më specifikisht rreth 20% të popullsisë, që jeton me 1 USD për individ në ditë.
“Për një shtesë në ligjin nr. 92/2014 “Për Tatimin Mbi Vlerën e Shtuar në Republikën e Shqipërisë”, i ndryshuar”, shoqëruar me relacionin përkatës, të propozuar nga një grup deputetësh të Grupit Parlamentar të Partisë Demokratike (gjysma e shpenzimeve të shqiptarëve kalon për mallrat e konsumit të përditshëm).
Në prononcimet e tij kryetari i kësaj force politike Lulzim Basha ka theksuar se është iniciuar nga fakti se përkthyer në shifra, sipas tij 97% e shqiptarëve vuajnë nga varfëria dhe kjo jo thjesht për shportën ushqimore në kuptimin e ngushtë të fjalës, por për të gjithë ato mallra të cilat afektojnë jetën e përditshme të qytetarëve.
Opozita ka nënvizuar se reduktimi i TVSH-së nga 20 % ne 6% do të jetë një premtim i mbajtur për të dy kahet e politikës shqiptare, pasi kur partitë kryesore kanë qenë në opozitë kanë kërkuar këtë ndryshim.
Partia Socialiste që sot gëzon pushtetin në vitin 2011 kur ishte në opozitë kërkonte vazhdimisht uljen e TVSH-së për çmimet e shportës, madje duke ngulmuar në shkuarjen e TVSH-së në 0 për kategori specifike.
Për opozitën ky projektligj që pritet të depozitohet në seancën e rradhës të kuvendit nuk është thjesht dhe vetëm propozim politik, por një hap i domosdoshëm për të ndihmuar qytetarët që sot janë në nevojë ekstreme.
