Shqipëria ka humbur 4 vende për sa i përket sundimit të ligjit. Kjo e dhënë është publikuar në Indeksin e Sundimit të Ligjit të Projektit Botëror të Drejtësisë ku u theksua që Shqipëria ra katër vende duke u renditur në vendin e 78-të nga 128 vende. Shqipëria shënoi vetëm 0.50 pikë nga 100 e mundshme dhe renditet nën Kolumbinë, Surinamin, Serbinë, Ukrainën, Indinë dhe Bjellorusinë.
Vendet që renditen më keq se Shqipëria përfshijnë Kinën, Rusinë, Sierra Leone, Meksikën dhe Turqinë. Shqipëria u tejkalua nga Serbia, Bosnja dhe Hercegovina, Maqedonia e Veriut dhe Kosova.
Në krye të kësaj liste është Danimarka me 90 pikë, e ndjekur nga Norvegjia, Finlanda, Suedia dhe Holanda.
Shqipëri në rajon është në vendin e 7 nga 14 shtete. Ndërkohë që pas Shqipërisë renditet Maroku, Peruja dhe vendet e Afrika.
‘World Justice Project’ nënvizon fakti se korrupsioni mbetet një problem shqetësues për vendin tonë, ku renditemi të 100-t nga 128 shtete dhe të 11-t në rajon. Duke u ndalur tek një pikë tjetër, që lidhet me transparencën e qeverisë ndaj qytetarëve, vendi ynë rankohet i 77-i nga 128 shtete në glob dhe i 10-i në rajon.
Ndërkohë, sa i takon të drejtave të qytetarëve, Shqipëria renditet në vendin e 54 nga 128 shtete dhe në rajon e 5-a. Në raport flitet edhe për rendin dhe sigurinë, ku Shqipëria renditet e 36-ta nga 128 shtetet në rang global dhe e 7 në rajon. Mes të tjerash raporti thekson se vendi ynë është i 98-i sa i takon zbatimit të rregullave në rang global dhe i 11-i në rajon.
