Humbja e thellë me Anglinë dhe fitorja minimale me Andorran e kanë zbritur Shqipërinë tre vende nga renditja e përgjithshme e FIFA-s për muajin nëntor.
Kuqezinjtë pësuan një humbje të thellë 5-0 në “Wembley” ndaj Anglisë dhe më pas morën një fitore minimale 1-0 ndaj Andorrës në “Air Albania”, teksa të dy këto rezultate sollën vetëm një shtim prej 0-65 pikësh.
Për rrjedhojë Shqipëria zbriti nga vendi i 63-të në të 66-in, vetëm një pozicion para Maqedonisë së Veriut, që është përmirësuar ndjeshëm falë 24.04 pikëve të shtuara në total dhe ka shkuar në vendin e 67-të në renditjen e përgjithshme.
Në vendin e parë kryeson Belgjika, ndiqet nga Brazili dhe Franca teksa kampionët në fuqi të Europës, Italia renditen në vendin e gjashtë në klasifikim.
Discussion about this post