Edhe për javën që presim përpara ashtu si ditët e fundit, vendi ynë do të ndikohet nga kushte atmosferike relativisht të paqëndrueshme.
Për ditën e Shtunë, moti parashikohet fillimisht i kthjellët dhe prej orëve të mesditës e kryesisht ato të pasdites pritet shtim vranësirash mesatare deri të dendura.
Përgjatë ultësirës perëndimore, vranësirat do të shoqërohen me reshje shiu të dobëta dhe të izoluara, sipas Shërbimit Meteorologjik Ushtarak.
Në relievet kodrinore dhe sidomos ato malore, reshjet e shiut priten me intensitet deri mesatar në formën e shtrëngatave dhe stuhive shoqëruar me shkarkesa elektrike dhe breshër.
Për ditën e Diel, moti parashikohet kryesisht i kthjellët në pjesën më të madhe të territorit si dhe alternime vranësirash kalimtare.
Në relievet malore në lindje, në orët e mesditës dhe pasdites priten shtim vranësirash deri të dendura shoqëruar me reshje shiu të dobëta.
Në relievet e larta malore të vendit këto reshje priten në formën e shtrëngatave dhe stuhive afatshkurtra.
Discussion about this post