Reshjet e dendura të dëborës që kanë përfshirë zonën verilindore të vendit kanë sjellë vështirësi qarkullimi në disa rrugë. Në qarkun e Kukësit në lartësinë mbi 800 metra trashësia e dëborës ka arritur 20 cm. Raportohet se në çdo aks nacional qarkullimi i automjeteve bëhet vetëm me zinxhirë apo me goma dëbore.
Raportohet se disa fshatra janë izoluar si pasojë e trashësisë së dëborës dhe vështirësisë në qarkullim. Fshatrat Tërshen, Arrën, Turaj, Borje, Zapot, Cërnalev, Xhaferaj, Lojme, Shkinak janë bllokuar, ndërsa rrugët nacionale si Kukës-Kala e Dodës-Peshkopi, Kukës -Shishtavec, Kukës-Qaf Mali-Fierz, Kukës-Krumë-Tropojë, Tropojë-Fierz qarkullohen me zinxhirë apo goma dimërore. Probleme janë regjistruar edhe me furnizimin me energji elektrike të disa fshatrave, por edhe në disa zona të qytetit të Kukësit.
Discussion about this post