Komisioni i Mbrojtjes Civile të Kukësit, ka bërë me dije se situatat e zjarrit të rënë në Majën e Rrunës, është shuar plotësisht. Për shuarjen e zjarrit kanë ardhur në ndihmë reshjet e shiut që ra pasditen e sotme.
Në njoftim thuhet se vatra e zjarrit e cila ka ardhur nga territori i bashkisë Fushë Arrës në vendin e quajtur Maja e zezë, vazhdon të ketë tym si në vatër ashtu dhe në afërsi të zonës së pa djegur dhe për momentin nuk ka avancim të saj.
Ndërsa situata në bashkinë Tropojë dhe Has paraqitet e qetë.
Njoftimi i plotë
Njoftim i Komisionit te Mbrojtjes Civile Prefektura Kukës.
Situata në Qarkun Kukës deri në orën 18:30 dt.25.08.2021.
Si rezultat i reshjeve të shiut të rëna në Rrethin e Kukësit situata e zjarrit të rënë në Maja Rrunës (Laku i Thive e Laku i pyllës) është shuar plotësisht.
-Vatra e zjarrit e cila ka ardhur nga territori i bashkisë Fushë Arrës në vendin e quajtur Maja e zezë vazhdon të ketë tym si në vatër ashtu dhe në afërsi të zonës së pa djegur. Për momentin nuk ka avancim të saj.
Situata në bashkitë Tropojë e Has është e qetë.
