Ish kryeministri Sali Berisha, i cili pak ditë më parë fitoi betejën e tij 2 vjeçare për të marrë logon dhe vulën e PD, do të vijojë ta ketë të ndaluar hyrjen në Angli.
Reuters shkruan se Berisha humbi gjyqin në apel në “Komisionin Special të Apeleve të Emigracionit” në Londër, me Ministrinë e Punëve të Brendshme, “Home Office”.
Gjykata e Apelit është shprehur në favor të qëndrimit të Qeverisë në këtë rast, duke hedhur poshtë të gjitha arsyet e ankimimit të Berishës. Më e rëndësishmja, Gjykata ka gjetur se rekomandimi për të përjashtuar Berishën është arritur siç duhet si “produkt i një vlerësimi holistik të provave në dispozicion”.
“E gjejmë të pavend aplikimin e formulës të imunitetetit si ish-kreu i një shteti i aplikuar në këtë apel. Për këtë arsye dhe të tjera të trajtuara në sesionin e mbyllur kundërshtia e zotit Berisha për t’i ndaluar hyrje në Britaninë e Madhe rrëzohet”, thuhet në vendim.
Avokatët e zotit Berisha tentuan, por pa sukses, të rrëzojnë në këtë komision, dosjen britanike përmes të cilës “Home Office” e shpalli “non grata” më 19 korrik 2022.
Vendimi i Britanisë, për të shpallur “non grata” Sali Berishën, erdhi një vit pasi ai u sanksionua edhe nga Shtetet e Bashkuara për korrupsion të dyshuar dhe abuzim me pushtetin.
Lexo edhe:
Humbi gjyqin në Apelin britanik për “non gratën”, Berisha: Vendim i turpshëm
Discussion about this post