Protestuesit nga Lezha kanë dalë të revoltuar të kërkojnë uljen e çmimeve. Një prej tyre paralajmëroi se protesta do të përshkallëzohet nëse nuk gjendet një zgjedhje. Ai tha se nuk do përmbahen më do përplasen edhe nëse shkojnë në burg.
“Kërkojmë uljen e çmimeve, prej qeverisë kujt tjetër. Këtë telefonin që e kam s’ma ke blerë ti, mos na bëj të përplasemi e të shkojmë në burg, jena Lezha krejt qarku, të gjithë janë përfaqësuar, mos na bëj do jemi të gjithë në protestë”, tha një protestues.
Ndërkohë një tjetër, u shpreh se nuk ia del dot as të blejë bukë pasi vetëm 30 mijë lekë ndihmë ekonomike merr, ndërkohë që çmimet rriten vazhdimisht. Ai tha se një pjesë e mirë e popullit janë në atë situatë të tillë. “Protestojmë për ngritjen e naftës, nuk kena lekë për buke, nuk jetojnë me 30 mijë lekë të vjetra në muaj. Populli nuk ka lekë , qeveria ka miliarda”, tha një.
Kujtojmë se protestat kundër rritjes se çmimeve vazhdojnë prej katër ditësh, ndërsa prej pak minutash ka nisur protesta e sotshme, e cila pritet të jetë në përmasa më të mëdha.
Discussion about this post