Riaktivizohet sërish zjarri në tregun e rrobave tek “5 Maj” në Tiranë. Raportohet se forcat zjarrfikëse janë mobilizuar dhe janë nisur për të izoluar flakët.
Sakaq, dëmet e shkaktuara nga flakët e mbrëmshme janë të konsiderueshme.
Kujtojmë që zjarri nisi mbrëmjen e djeshme (8 janar), ndërsa flakët u përhapën në rreth 50 dyqane të disa kapanoneve, duke shkaktuar dëme të mëdha materiale.
Burime nga vendngjarja bëjnë me dije se nuk bëhet fjalë për treg rrobash të përdorura, por për magazina me mallra të ndryshme, kryesisht enë guzhine dhe produkte të tjera me vlerë miliona dollarë.
Autoritetet konfirmuan se nuk ka persona të lënduar apo të asfiksuar nga tymi.
Dyshohet se një shkëndija elektrike ka qenë shkaku kryesor i rënies së zjarrit, megjithatë hetimet vijojnë.
Discussion about this post