Era e fortë ka riaktivizuar zjarrin në Malin e Thatë. Edhe pse gjatë gjithë ditës kanë punuar specialistë të ADZM me mjete rrethanore zjarri nuk është arritur të vihet nën kontroll. Sipas të dhënave pjesa më e madhe e flakëve tashmë janë përhapur në Parkun e Galiçicës, por ende nuk ka asnjë reagim nga autoritetet e Maqedonisë së Veriut. Nëse vijon me këto ritme dhe pa ndërhyrje rrezikon prekja e pyllit në pjesë maqedonase. Në lidhje me vatrën e zjarrit, mendohet të jetë i qëllimshëm nga barinjtë për kullotat e reja.
Specialistët thonë se përhapja e madhe në sipërfaqe e zjarrit tashmë mund të fiket vetëm me ndërhyrje nga ajri.
