Ndeshja në transfertë e Barcelonës këtë fundjavë kundër Celta Vigos, duket se po funksionon në ekipin blaugrana ku po ndjehet ‘fryma’ e Xavit, edhe pse ende nuk është ulur në stolin e skuadrës.
Barça vjen me shumë mungesa në këtë takim, ku emra si Aguero, Dembele, Pique dhe Roberto nuk janë pjesë e formacionit pas dëmtimeve të ndryshme.
Fati nuk ka vonuar për të zhbllokuar sfidën që në minutën e 5’, falë asistit të Jordi Albës, duke i dërguar shifrat në 1-0.
Busquets do të gjente sërisht golin në minutën e 18’ duke dyfishuar avantazhin, të cilin do ta thellonte akoma më shumë Depay në minutën e 34’, me Barcelonën që pas kësaj pjese të parë që mbyllet me rezultatin 3-0, po rikthehet te fitorja pas tre takimeve me rezultate negative, që detyruan klubin të bënte edhe shkarkimin e trajnerit Koeman.
Discussion about this post