Ish-kryeministri Sali Berisha ka vendosur të rikthehet në Kuvend pas katër muajsh mungese, ndërsa ka dhënë versionin e tij se pse nuk ka qenë prezent. Berisha tha për gazetarët jashtë sallës së Kuvendit, se në atë godinë nuk rrihet më shumë se sa 4 minuta, por se ishte aty për demokratët.
“Kam munguar 4 muaj sepse isha në bisedë me mbarë demokratët e Shqipërisë. Dhe në një fare mënyre ai ishte parlamenti më i madhërishëm në 30 vitet e fundit. Rikthehem në respekt të popullit. Por për ata që janë aty, nuk meriton që të qëndrosh as 4 minuta.”, tha Berisha.
Ish-kryeministri është ndalur dhe tek shembja e banesave tek “5 Maji”, duke theksuar se shteti po vepron në kundërshtim me çdo normë dhe në kundërshtim me kushtetutën.
“Jam këtu para jush që shfaqej drama njerëzore e një numri qytetarësh të cilëve pavarësisht që kanë 15-20 vite në shtëpitë e tyre u prishen banesat në kundërshtim me çdo normë ligj dhe kushtetutë. Nga qeveritarë që dëshmojnë që hajnitë dhe vjedhjet e tyre i kanë zhveshur nga çdo ndjenjë njerëzore. Duke thënë këto fjalë, personalisht e mbështes zhvillimin e qytetit dhe projektet që e bëjnë këtë qytet më të bukur por nuk mbetet kurrë barbarinë ndaj qytetarëve të tij. Nëse t’i vendos për shkak të planeve për të prish shtëpitë e të tjerëve, ka një detyrim moral që të ulesh me ta. Tua shpjegosh planin dhe projektin të përcaktosh planin dhe projektin dhe të përcaktosh kushtet. Deri në 2014 parashikohej legalizim pastaj urbanizim. Këto shtëpi janë ndërtuar para 2014 dhe trajtohen me atë ligj. Legalizim pastaj urbanizim. Por kjo nuk ndodh. Janë të paligjshme dhe dhënie për efekte prapavepruese”, tha Berisha.
Discussion about this post