Rikthime “big” dhe risi, Deschamps publikon listën e Francës

Franca ka zyrtarizuar listën e lojtarëve në prag të dy sfidave të fundit që do të zhvillohen në Nations League.

Surprizat nuk mungojnë në listën e Dider Deschamps, me teknikun e “Gjelave” që ka rikthyer përsëri në ekip Oliver Giroud, i cili po kalon një formë fantastike me Milanin.

Gjithashtu në kombëtare janë rikthyer edhe Ousmane Dembele dhe Ferland Mendy. Sa i përket listës ka pasur edhe prurje të reja, pasi Didier Deschamps ka thërritur për herë të parë Benoit Badiashile dhe Youssouf Fofana nga Monaco.

Gjithashtu, edhe Randal Kolo Muani i Eintrachtit të Frankfurt ka marrë ftesën e parë në kombëtaren e “Gjelave”. Sulmuesi 23-vjeçar u transferua këtë sezon nga Nantes në Ligue 1 te Eintrachti i Frankfurt në Bundesligë.