Deputetja e Partisë Demokratike, Albana Vokshi, ka denoncuar përmes një postimi në Facebook, rikthimin në parlament ligjin për paketën anti-shpifje.
Vokshi shprehet se Rama po tregon hapur që këkron të cënojë fjalën e lirë dhe demokracinë në vend. “Për fjalën e lirë! Censori i gazetarisë në Shqipëri, Edi Rama ka urdhëruar rikthimin në parlament të paketës anti-shpifje, të kritikuar me forcë nga të gjitha institucionet europiane dhe organizatat ndërkombëtare të medias”, shkruan ajo.
Në fund të reagimit të saj, deputetja ka bashkangjitur dhe shqetësimin e ngritur nga euro-deputeti Davd Lega në lidhje me rikthimin e paketës anti-shpije në Kuvend, si dhe ka nënvizuar opinionin kundër të organizatave ndërkombëtare.
“Edi Rama po provon çdo ditë se e ka forcuar kontrollin absolut mbi median për të qeverisur i qetë mes krizash të sajuara e për të vjedhur edhe qindarkën e fundit në buxhetin e shtetit.
Europarlamentari David Lega ngre shqetësimet e tij për rikthimin e paketës “antishpifje” për shqyrtim në kuvend pa marrë në konsideratë rekomandimet e Komisionit të Venecias”, shkruan Vokshi.
Kujtojmë se organiztat ndërkombëtare, si FMN, i kanë kërkuar Ramës të tërhiqet nga paket anti-shpifje.
