Edhe pas vetëvrasjes të së riut Aldi Rama, hetimet për ngjarjen vazhdojnë.
Në sitën e hetimeve të deritanishme për këtë ngjarje, Prokuroria e Lezhës është detyruar të rindërtojë të gjithë dinamikën e vrasjes së nënkomisarit. E gjithë ngjarja ka ndodhur vetëm rreth 1 km larg vendit ku nënkomisari Hoxha dhe kolegët e tij asgjësuan 110 rrënjë kanabis. Teksa po ktheheshin kishin pikasur mjetin me tre të rinjtë, e duke iu bazuar instiktit kishin vendosur që të ushtronin kontroll ndaj tyre. Ndërkohë raportohet se në makinë ka qenë dhe një person i katërt, i cili është ende në arrati.
Kolegët e efektivit kanë marrë dëshminë e dy shokëve të Aldi Ramës, Armando Marku dhe Kristian Sherrit, të cilët kanë pranuar se kishin dalë për të konsumuar cigare me hashash, por kanë mohuar kategorikisht se ishin në dijeni që miku i tyre kishte armë zjarri me vete. Ndërkohë që një tjetër mik i të riut, i identifikuar vetëm si Ergys Gj. ka treguar për jetën e vështirë të Ramës, ndërsa hedh dyshime lidhur me vdekjen e tij. Ai pretendon se Aldi Rama u qëllua nga Policia.
