Është shtyrë përsëri seanca ndaj shtetases ruse, Svetlana Timofeeva në gjykatën e Shkallës së Parë në Elbasan.
Shkak ka qenë kërkesa e bërë nga Timofeva, e cila kërkoi që aktakuza e prokurorisë të jetë në gjuhën ruse. Gjykata e ka pranuar kërkesën e saj dhe vendosi që seanca e rradhës të mbahet në datën 17 mars.
Svetlana Timofeeva u arrestua më 20 gusht të vitit 2022 me bashkëkombësin e saj Mikhail Zorin dhe ukrainasin Fedir Alpatov pranë ish-uzinës së armëve në Ballsh teksa kur i pikasën nga dy ushtarakë i sulmuan me spraj kimik. Në Shqipëri, të tre të huajt akuzohen për “Goditje për shkak të detyrës”, “Dhënie e informatave sekrete”, dhe “Sigurimi i informatave”, kryer në bashkëpunim.
Rusia kërkon ekstradimin e 33-vjeçares pasi atje është e akuzuar për “Marrje e paligjshme e informacionit që përbën sekret shtetëror”, por deri më tani ajo ka refuzuar të japë pëlqimin për ekstradimin e saj në Rusi.
Discussion about this post