Roma kërkon fitoren e radhës, Murinjo merr vendimin për Kumbullën

Skuadra e Romës do të luajë pas pak minutash ndeshjen e radhës në kampionatin Italian. Verdhekuqtë sfidojnë në transfertë skuadrën e Bolonjas teksa do të kërkojnë suksesin e radhës në Serie A. Është një ndeshje shumë delikate për skuadrën kryeqytetase teksa trajneri Jose Murinjo ka vendosur të luajë me skemën 3-4-3 ku Marash Kumbulla është lënë në stolin e rezervave. \

Në portë Patricio, në mbrojtje Mancini, Smalling dhe Ibanez. Në mesin e fushës rreshtohen El Sharaui, Veretu, Diavarra dhe Karsdorp. Në fazën offensive do të nisin nga minuta e parë treshja Zaniolo, Abraham dhe Mikitarian. Është një duel shumë i vështirë për të besuarit e trajnerit Jose Murinjo teksa Roma kërkon vetëm fitoren për të vijuar rrugën drejt objektivit final që është kualifikimi në  champions.