Cristiano Ronaldo mësohet t’i ketë kërkuar Manchester United që të marrë ish-shokun e tij të skuadrës te Juventus, ndonëse kartoni i tij kushton plot 110 milionë euro.
Portugezi ka dëshirë që të luajë me talentin e kampionëve të ‘Euro 2020’ në ‘Old Trafford’, për këtë arsye ai ia ka parashtruar këtë kërkesë dhe njëkohësisht dëshirë drejtuesve të ‘Djajve të kuq’.
Sipas raportimeve të ‘Calciomercatos’, Ronaldo e pëlqen shumë Federico Chiesan dhe do donte që të vazhdonte të luante në një ekip me të.
Italiani ndodhet te Juventus nga një kontratë 2-vjeçare huazimi prej Fiorentinës, por me detyrim blerjeje në përfundim të saj.
‘Zonja e Vjetër’ pritet të përfundojë huazimin verën e ardhshme për një shumë prej 50 milionë eurosh, megjithatë mundësia që të mos nënshkruajë është shumë e lartë.
‘Calciomercato’ raporton se sulmuesi mund të largohet nga ‘Allianz Stadium’ shumë shpejt dhe çdo lëvizje do të tejkalojë shumë e 100 milionë euro./K.T/Gijotina.com
