Suksesi i Bayer Leverkusen këtë sezon ka padyshim prapaskena tepër interesante. Hera e parë kampion i Bundesligës gjermane, duke i dhënë fund hegjemonisë 11-vjeçare të Bayernit ka një protagonist kryesor.
Shabi Alonso është arkitekt i një projekti ambicioz, konkurrues dhe me një stil loje tërheqës, duke nxjerrë versionin më të mirë të të gjithë futbollistëve. Asnjë prej 27 lojtarëve të skuadrës nuk kanë luajtur të gjitha ndeshjet e sezonit, 45, për ta shndërruar ekipin e “Aspirinave” në atë që e bazon lojën në të gjithë potencialin që ka në dispozicion.
Më i përdoruri është Grimaldo, mbrojtësi që ka luajtur 44 ndeshje në të gjithë kompeticionet, për të lënë pas në këtë renditje Granit Xhakën. Mesfushori ka marrë minuta në 43, aq sa Florian Virtz, praktikisht të paprekshëm në hierarkinë e trajnerit Alonso. Formulë që i ka dhënë totalisht të drejtë teknikut spanjoll, i cili ende nuk e ka shijuar humbjen në këtë sezon me Bayer Leverkusen.
Kur kanë mbetur edhe pak javë deri në fund, gjermanët janë në lojë edhe për dy trofe. Skuadra e Bundesligës gjendet në gjysmëfinalet e Europa League ku do të sfidojë Romën, ndërsa ka garantuar finalen e Kupës së Gjermanisë.
Discussion about this post