Deputeti i PD-së, Edi Paloka, ka reaguar lidhur me rrëmbimin e tre policëve kufitarë nga forcat serbe, në territorin e Republikës së Kosovës.
Në postimin në rrjetet sociale, Paloka ka shigjetuar Kryeministrin Edi Rama për sulmin e dhunshëm që i bëri Kryeministrit të Kosovës, Albin Kurtit dhe për garancitë që dha në emër të mikut të tij, Presidentit të Serbisë, Aleksandër Vuçiç, të martën.
“Jo me larg se dje, pasi shpalli sanksionet ndaj Kosovës, Rama jepte garanci në emër të Vuçiçit se asnjë kërcënim nuk i vinte Kosovës nga ushtria serbe e vendosur në kufi me urdhër të Vuçiçit.
“As në ëndërr nuk e sheh Vuçiç të hyjë qoftë edhe një milimetër në territorin e Kosovës”- deklaroi Rama dje në konferencë për mediat.
Sot i mbetet të dalë e ashtu si vllau i tij Vuçiç, të deklarojë se ishin policët e Kosovës që kishin hyrë në territor serb!”, shkruan Paloka.
Discussion about this post