Lufta në Ukrainë po merr përmasa të frikshme dhe Putin nuk kursen as fëmijët. Që nga fillimi i pushtimit rus më 24 shkurt, të paktën 117 fëmijë janë vrarë dhe më shumë se 155 të tjerë janë plagosur, raporton Zyra e Prokurorit të Përgjithshëm të Ukrainës.
Shumica e viktimave janë raportuar në kryeqytetin ukrainas Kiev (58) dhe në qytetin verilindor të Kharkiv (40), shkruan BBC. Zyra e Prokurorit të Përgjithshëm shton se në Kharkiv, një tank rus thuhet se goditi një makinë që i përkiste një familjeje që udhëtonte me dy fëmijë. Ndërsa në qytetin port jugor të rrethuar të Mariupolit, autobusët e evakuimit që transportonin fëmijë u goditën nga granatimet ruse. Prokurorët thonë gjithashtu se kanë regjistruar 548 raste ku shkolla dhe objekte të tjera arsimore janë goditur, 72 prej të cilave janë shkatërruar plotësisht. Ata shtojnë se shifrat që raportojnë nuk janë përfundimtare për shkak të vështirësive për të hyrë ose inspektuar vende në disa pjesë të vendit.
Discussion about this post