Fermerët e Hasit, por edhe të fshatrave përreth, mundin e një sezoni nuk arrijnë ta justifikojnë dot me të ardhurat e përfituara nga shitja e prodhimeve të tyre. Ata dalin çdo ditë në treg, por fitimi në fund të ditës nuk i kënaq aspak.
Një ndër shkaqet e mungesës së fuqisë blerëse, sipas tyre është edhe rritja e çmimeve. Ata kërkojnë ndihmën e shtetit, pasi nëse vazhdojnë në këtë mënyrë, rrezikojnë ta mbyllin aktivitetin tregtar të tyre.
Qyteti i Hasit ka rreth 20 mijë banorë, ku rreth 30% e qytetarëve trajtohen me ndihmë ekonomike. Kjo ka bërë që një pjesë e madhe e të rinjve t’i drejtohen emigracionit.
