Rruga që lidh dhjetëra fshatra të njësisë administrative në Qukës të Prrenjasit është kthyer në shqetësimin kryesor për banorët e kësaj zone. Banorët thonë se për të vajtur në fshatrat e tyre duhen orë të tëra pasi i gjithë aksi që lidhë qytetin me zonën është tërësisht e amortizuar.
Në protestën e zhvilluar këtë e premte, qytetarët kërkojnë rehabilitimin e menjëhershëm të rrugës.
Banorët thonë se nëse nuk do të merren masa ata do të bllokojnë rrugët nacionale si e vetmja mundësi për të tërhequr vëmendjen e bashkisë së Prrenjasit.
Rruga që lidh dhjetë fshatra të njësisë administrative Qukës është premtim i çdo kandidati për bashkinë e Prrenjasit, por pasi ata marrin mandatin gjithçka mbetet në kuadër të premtimeve, ndërsa banorët presin 4-vjeçarin tjetër për të dëgjuar gënjeshtrat e radhës.
E nisur në vitin 2009 nga qeveria e asaj kohe, disa herë është ndërhyrë në projektin, i cili tashmë kap vlerën totale të investimit në 255.8 milionë dollarë.
Teksa rruga ishte parashikuar të mbaronte në fillim të vitit 2018, banorët me të drejtë nuk besojnë në afatin e vendosur së fundmi, ku parashikohet që rruga të mbarojë në fund të vitit 2025.
Discussion about this post