Forcat e armatosura të Ukrainës kanë bërë me dije se ka shumë mundësi që Rusia mund të tentojë të krijojë një provokim në kufirin ukrainas me Bjellorusinë për t’i dhënë kështu regjimit bjellorus një pretekst për të dërguar trupat e tij ushtarakë dhe për t’iu bashkuar pushtimit rus, sipas një përditësimi ushtarak.
Deklarata vjen një ditë pasi ushtria ukrainase raportoi se bazuar në “informacionet e disponueshme”, komanda e një brigade parashutistësh nga Bjellorusia, e lidhur ngushtë me Moskën ka marrë urdhër për të kaluar kufirin në Ukrainë.
Përditësimi më i fundit ushtarak ukrainas është bërë mëngjesin e së premtes, e cila shënon dhe ditën e nëntë të luftës së Rusisë në Ukrainë.
“Është e mundur që okupatorët të kryejnë provokime të armatosura në kufi për të përfshirë Forcat e Armatosura të Bjellorusisë në luftën kundër Ukrainës”.
Discussion about this post