Këngëtari Sabian Medini ka folur për herë të parë për nënën e tij gjatë një bisede me konkurrentët e tjerë në “Big Brother VIP”. Teksa fliste me gjysmë zëri, artisti zbuloi se e ëma ka ndërruar jetë për shkak të kancerit.
Në një moment të tillë, Sabiani nuk mundi t’i mbante dot lotët dhe filloi të qante me dënesë, ndërkohë që pothuajse të gjithë banorët e tjerë u mblodhën rreth tij për ta ngushëlluar.
“Mua më ka vdekur ime më nga kanceri, jo në gji, por në mitër. Nuk më pa asnjëherë në skenë, asnjëherë. S’kisha për ta treguar kurrë”,- tha me zë të mekur Medini.
Ndërkohë, vajza e këngëtarit, Keisi, ka treguar se është mbështetja e tij më e madhe në këtë rrugëtim që artisti ka marrë. Gjatë hyrjes në “BBV” Sabiani tha: “Do doja të kishte vajza të bukura aty brenda”.
Pas kësaj deklarate, Keisi publikoi në Instastory disa video të realizuara gjatë hyrjes së Sabianit në shtëpinë e madhe. Krahas tyre, modelja shkroi: “Mbreti im”.
