Emiriana Sako blen çdo vit miliona lekë kosha mbeturinash dhe sërish Durrësi është i mbuluar nga plehra, sidomos gjatë stinës së verës. Kjo situatë nuk jep as siguri për shëndetin e qytetarëve, as mbështetje për industrinë turistike.
Gjithçka ndodh për shkak të keqmenaxhimit, jo se ka mungesë financimi. Sikur do të tregojmë më poshtë shpenzohen shumë fonde për pastrimin e Durrësit.
Këtë vit Sako ka parashikuar që vetëm për disa kontejnerë të shpenzojë 300 milionë lekë. Tenderi është hapur më datë 6 shkurt 2023 të këtij viti, por nuk është shpallur ende një fitues. Më fund, pas një denoncimi tenderi i Sakos ka përfunduar në KPP.
Konkretisht më datë 19 maj 2023 është depozituar ankesa në Komisionin e Prokurimeve Publike nga firma “POwER INDUSTRIES”.
Për të mbajtur të fshehtë shkeljet që ka bërë Sako në këtë tender, duke qenë se abuzimet nga ajo janë të shumta, KPP nuk e ka publikuar dokumentin e ankesës. Pra nuk mund të nxjerrim se për çfarë konkretisht ankohet firma në fjalë.
Por, duke marrë shkas nga tenderët e mëparshëm për këtë objekt është e qartë që Sako ka shkelur rregullat kryesore për të favorizuar ndonjë firmë të miqve me ofertë më të shtrenjtë.
Kujtojmë se një vit më parë, Bashkia Durrës bleu 290 milionë lekë kosha mbeturinash. Me sa shohim për këtë vit Sako ka ndryshuar vetëm vlerën e fondit limit, duke e rritur atë. Por, nuk ka ndryshuar rrugën anti ligjore me të cilën zhvillon prokurimet.
Sipas dokumenteve, tenderi në fjalë ka marrë “Red Flag” nga Open Data Albania. Sepse bashkia ka vendosur fituesin pa zhvilluar një garë sipas rregullave. Sako ka përjashtuar 5 firmat e tjera dhe ua ka bërë dhuratë 290 milionë lekë bashkimit të operatorëve “LUAR Bros” & “START CO”.
Paratë ikën ndërsa koshat nuk dihet, nëse u blenë. Ka vend për dyshime, për aq kohë sa Sako këtë vit po bën sërish shpenzim për këto mjete.
Lexo edhe: Denoncim në KPP/ Sako firmosi 400 mijë euro në tre tenderë me falsifikime dhe pa garë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post