Përplasjet e shkaktuara në Partinë Demokratike pas vendimit të Bashës për përjashtimi ne Berishës, kanë shkaktuar debate politike të forta, ku disa nga figurat e kësaj partie janë rreshtuar në krah të Sali Berishës.
Në krah të ish-kryeministrit Sali Berisha janë rreshtuar nga Edi Paloka, Flamur Noka, Aldo Bumçi, Oerd Bylykbashi, ndërsa i fundit është Edmond Spaho, ish-n/kryetar i PD-së në mandatin e dytë të Lulzim Bashës dhe kryetar grupi legjislaturën e kaluar. Por, shumë nga këto lwvizje, pwr deputetin e Partisw Demokratike, Ervin Salianji, i cili njëkohësisht është nënkryetar i grupit parlamentar të PD, janë lëvizje për interesa personale, por ka dhe nga ato që kanë shprehur qëndrimet e tyre. Megjithatë, Salianji ishte mjaft kritik me Spahon. I ftuar në “Radarin Informativ” në “ABC” përballë gazetares Jonida Shehu, Salianji u shpreh se PD dhe Lulzim Basha i kanë dhënë gjithçka Edmond Spahos në 25 vite.
“Po pse Lulzim Basha u bë i keq këto dy javët e fundit? Po pse. Çfarë do më shumë Mondi? Ka 25 vite deputet, ka qenë ministër i PD, ka qenë president i FSHF-së, i bërë nga PD, nga Lulzim Basha ka qenë i bërë n/kryetar Kuvendi dhe drejtues i grupit parlamentar. Por përgjegjësi, nëse ka Basha, nuk ka ky? Ka qenë drejtues politik në 2017, në një prej qarqeve me rezultatin më të dobët të PD. Por si mundet, që përgjegjësi në mënyrë të drejtpërdrejtë… Më pyetët për persona që nuk kanë minimumin e koherencës dhe nëse Basha është përgjegjës për disa vendime, është edhe për këto. Unë kam dhënë dorëheqjen nga sekretari i grupit kur kam pasur qëndrime të ndryshme me Bashën, kam mbajtur qëndrime kundër në shumë raste në Kryesi, këta nuk kanë folur njëherë të vetme. Tani u bë i keq Basha për interesin personal?”, u shpreh Salianji, i cili sulmoi edhe ish-nënkryetarët e PD-së në kohën e Berishës, si Topallin dhe Patozin. “Njerëz që kanë qenë ish-funksionarë të lartë në PD, kanë qenë edhe në parti të tjera politike, na kanë dalë edhe përballë. 8 vite nuk i kemi parë një ditë në parti, parti të ish-nënkryetarëve të partisë, të dyja partitë, që u dogjën sikur hynë, vetëm për t’i shërbyer Ramës”, shtoi Salianji.
Po ashtu, deputeti i PD ka folur dhe mbi personazhet e tjera që i janë bashkuar Berishës, kundër Bashës, kur u pyet mbi Oerd Bylykbashin dhe Edi Palokën. “Unë nuk dua të hyj, nuk më duket se ka ndarje, unë shoh një qëndrim të deputetëve të PD-së në situatë apo për rastin konkret e kisha për atë që kishte shkruar përpara në raport me “bunkerizimin” që janë situata që përgjegjës është edhe ai. Nuk shoh të ketë ndarje, diskutime serioze në grup parlamentar, si duhet të avancojë më tej strategjia e PD-së” tha ai.
Por çfarë ka bërë gabim Lulzim Basha? “Jo domosdoshmërish duhet të ketë bërë një gabim. Nëse ka përgjegjësi në drejtim, ka gjithë lidershipi, jo vetëm kryetari. Nëse thua ka një problem, e nis nga vetja, jep dorëheqjen. Diskutimet dhe mendimi ndryshe në rastin e liderit historik të PD-së, PD e ka detyrim të ruajë trashëgiminë e lënë. Kryetari i partisë e ka thënë se vendimmarrjen e ka krijuar për të mos krijuar përçarje”, u shpreh Salinji, i cili shtoi se respektin dhe vlerësimin për Berishën nuk i heq asnjë presje, por Lulzim Basha nuk mund të jetë bashkëpunëtor i Ramës dy javët e fundit.
