Pas akuzave të deputetit demokrat Tritan Shehu për mungesën e transparencës me vaksinimin, duke e konsideruar si “sallatë ruse” përzierjen e vaksinave, ka reaguar ministrja e Shëndetësisë, Ogerta Manastirliu.
Nga foltorja e kuvendit, Manastirliu ka nënvizuar se të gjitha vaksinat në Shqipëri janë përdorur në disa vende të botës dhe janë certifikuar nga OBSH, por në asnjë moment nuk ka kthyer përgjigje për legjitimitetin e përzierjes së vaksinave, apo nëse EMA apo FDA e ka autorizuar diçka të tillë.
“Të gjithë vaksinat që janë përdorur dhe përdoren në Shqipëria janë miratuar nga OBSH dhe nga organizata të rëndësishme të barnave botërore. Coronavax është e kualifikuar nga organizata prestigjioze dhe SHBA do të njohin për udhëtim vaksinat kineze do të thotë se CDC e ka lejuar një vaksinë të tillë, Sputnik është e miratuar në 72 vende të botës, ndaj nuk duhet që të vëmë në dyshim asnjë vaksinë të përdorur”, tha Manastirliu.
Gjatë fjalës së saj, ministrja theksoi se është e keq ardhur se si një mjek i shkëlqyer si Shehu vijon që të bëjë akuza të tilla duke dezinformuar opinionin publik. Më herët Shehu kritikoi qeverinë për mungesën e transparencës me procesin e vaksinimit, ndërsa shtoi se vendi është mbushur me vaksina kineze të pa certifikuara, duke bërë sipas një “sallatë ruse” me vaksinat.
Discussion about this post