Kryetarët e shteteve dhe të qeverive të BE-së dhe drejtuesit e vendeve të Ballkanit Perëndimor, nesër do të bëhet bashkë në një samit ku do të diskutohet perspektiva e anëtarësimit të vendeve të Ballkanit dhe pjesë e takimit do të jetë edhe kryeministri Edi Rama. Kreu i Qeverisë do të jetë i pranishëm në Samitin e Bashkimit Europian me Ballkanin Perëndimor.
Por mesa duket kryetari i Partisë Demokratike, Lulzim Basha do t’i bëj opozitarin edhe në Ljubjanë, pasi ka njoftuar se do jetë nesër në Slloveni. Kreu demokrat do jetë në Samitin e Partive Popullore Europiane me Ballkanin Perëndimor. Ai gjithashtu shpërndau edhe një video-mesazh, i cili thoshte se do të qëndronte dy ditë në Slloveni.
Vizita e Ramës dhe Bashës në Slloveni shihet edhe si zhvendosja e “luftës” për hapjen e negociatave, ku njëri pritet të lavdërojë arritjet e Shqipërisë dhe tjetri të tregojë mangësitë dhe situatën që po përballet vendi.
