Maurizio Sarri, trajneri i Lazios ka dale shumë i lumtur para mediave pas fitores në përballjes kundër Interit që përfundoi me rezultatin 3-1, por nuk kanë munguar kritikat ndaj arbitrimit.
Zikaltërit e Inzagit ishin të parët që morën avantazhin në këtë përballje, falë penalltisë së administruar më së miri nga Perisic, por të besuarit e Sarrit bëjnë detyrën dhe përmbysin gjithçka brenda 45 minutave të dyta të takimit mes shumë polemikave.
“E pashë që në fillim se ishim në lojë kundër një skuadre të mirë, por u trembëm vetëm nga një penallti. U thashë djemve, nëse vazhdojmë kështu, nuk do të humbasim. Kisha të drejtë, na duhej vetëm ai moment për t’u rikthyer në ndeshje”, ka thënë fillimisht tha Sarri.
“Nuk ka debat. Dimarco ishte në tokë dhe Interi shkoi për të goditur portën. Nëse dikush duhej ta ndalte lojën, ishin ata, dhe ata nuk e bënë. Është një situatë e qartë, ata legjitimuan vazhdimin e lojës”.
“Ka një rregull shumë të qartë, ju i shihni këto ankesa vetëm në Itali. Në Europë, në Ligën e Kampionëve, kjo nuk ndodh. Është vetëm në Itali”.
“Ne luftuam në pjesën e parë me lojën e hapur të Interit, kështu që na duhej t’i ndërprisnim ato kanale dhe të parandalonim harkimet”.
Luiz Felipe u ndëshkua pas ndeshjes për ‘talljen’ ndaj Joaquin Correa, edhe pse mbrojtësi ishte në lot dhe argumentoi se ai sapo kishte bërë shaka me një mik të mirë.
“Ai më tha se gjyqtari e largoi atë, por ai vetëm donte ta përshëndeste Correan, pasi ata ishin miq të mirë dhe luanin së bashku për një kohë të gjatë. Me sa duket kishte një keqkuptim të tmerrshëm”.
“Acerbi u dënua me dy ndeshje për ‘sjellje frikësuese’ pa ngritur gishtin, kështu që nuk duhet të çuditem shumë pasi kjo u konsiderua si karton i kuq. Felipe Anderson u sulmua praktikisht fizikisht pas golit dhe unë sërisht prisja të shihja kartonë të kuq.”, përfundoi trajneri i Lazios
