I vetmi që do të marrë vendimin për t’u tërhequr nga kombëtarja e Argjentinës është vetëm Lionel Messi, i cili i ka hapur dyert, derisa të thotë të kundërtën.
Ylli i Amerikës së Jugut tha pak muaj më parë se dëshiron të luajë si kampion bote me ‘Albiceleste’ dhe këtë do të bëjë, duke filluar nga kjo e enjte dhe në vendin e tij.
Pas fitimit të titullit botëror në Katar 2022, Argjentina do të debutojë me titullin e saj në një miqësore kundër Panamasë, dhe Messi është gati të shpalosë magjinë e tij.
“Messi do të vazhdojë të vijë derisa të thotë të kundërtën. E shoh të lumtur në fushë dhe brenda kombëtares. E shoh mirë, e meriton gjithë atë dashuri”, tha trajneri Lionel Scaloni në konferencën për shtyp për miqësoren me Panamanë, që do të zhvillohet të enjten në El Monumental.
Ka qenë vetë Messi që ka thënë pas kurorëzimit, se nuk do të tërhiqej nga kombëtarja, sepse donte të vazhdonte të luante për ‘Albiceleste’ dhe të nderonte kështu titullin kampion bote.
Dhe tifozët e njohin dhe e kanë idhull, shembull është rrëmuja që bëri numri “10” në Argjentinë, teksa ishte për darkë me miqtë e tij.
“Të gjithë lojtarët që janë këtu, e meritojnë të dalin dhe të marrin atë dashuri sepse ata nuk kanë mundur ta jetojnë atë.
Leo, megjithëse është më i miri nga të gjithë, ai gjithashtu duhet të shohë që njerëzit e tij e duan atë. Kjo është diçka, që do të qëndrojë me të përgjithmonë”,- tha Scaloni.
Sa i përket skuadrës që drejton, ai e bëri të qartë se askush në skuadër nuk mund të ulë nivelin dhe ata duhet të tregohen ashtu siç janë, kampionë bote, pa rënë në tepricë besimi, por kjo nuk do të thotë se ne nuk duam të fitojmë, këtë e kuptojnë lojtarët”.
Discussion about this post