Vetëm një ditë pas masakrës me 9 viktima në shkollën “Vladislav Ribnikar” në Vraçar, Serbia është tronditur sërish nga një sulm i rëndë.
Një vajzë ka plagosur me thikë një nxënës dhe një mësues në një shkollë fillore në Serbi. Nga raportimet paraprake, bëhet me dije se vajza është neutralizuar me ndërhyrjen e policisë e cila më pas është shoqëruar menjëherë në komisariat, shkruajnë mediat serbe.
Ngjarja ka ndodhur konkretisht në shkollën fillore ‘Ruber Boskoviç’. Raportohet se 15-vjeçarja është ish-nxënëse e kësaj shkollë. Nuk dihen ende motivet e kësaj ngjarjeje e cila vjen një ditë pas masakrës së ndodhur në shkollën fillore’ Vladislav Ribnikar’, ku një 14-vjeçar i identifikuar si Kosta Keçmanoviç vrau me armë zjarri 8 nxënës dhe rojen e sigurisë.
Kujtojmë se ditën e djeshme në shkollën “Vladislav Ribnikar” në Vraçar, një 14-vjeçari, nënxënës i klasës së shtatë shkaktoi një masakër duke vrarë me armë zjarri 9 persona, duke përfshirë rojën dhe 8 nxënës të shkollës fillore.
Discussion about this post