Serbia vijon të blejë municione ushtarake nga Rusia dhe kjo është konfirmuar dhe nga presidenti i Serbisë, Aleksandar Vuçiç, i cili u shpreh se ato janë blerë në Rusi me një çmim të shkëlqyeshëm. Të premten, radiostacioni Sputnik Serbia njoftoi marrjen e sistemeve raketore antitank, duke cituar një burim në strukturat e mbrojtjes. Ne morëm një çmim të madh, të paguar paraprakisht.
“Një shtysë e madhe për ushtrinë serbe. Ushtria jonë po forcohet çdo ditë e më shumë dhe unë jam krenar për këtë”, u shpreh Vuçiç.
Lidhur me këtë ka reaguar shefi i stafit të presidentes së Republikës së Kosovës, Blerim Vela, e cila ka thënë se këto blerje duhet të sanksionohen, pasi veprime të tilla të vazhdueshme të blerjes së armatimit nga Rusia e rrezikojnë edhe më shumë paqen në rajon.
“Sikurse Bjellorusia, Serbia është vegël e Rusisë për të rivendosur sferat e ndikimit kundër SHBA-së, Bashkimit Evropian dhe NATO-së”, ka shkruar Vela në reagimin e tij.
Presidenti serb Aleksandar Vuçiq tha në dhjetor se buxheti i mbrojtjes i vendit, i cili është planifikuar për vitin 2022 në vlerë prej mbi 1,1 miliard euro, në të ardhmen do të rritet me 500 milionë euro të tjera për blerjen e pajisjeve dhe armëve. Pra, në 2022-2023 Beogradi planifikon të blejë rreth 30 helikopterë: 11 N-145 (Airbus), katër Mi-35, tre Mi-17, si dhe 11 Mi-35 të përdorur nga një shtet anëtar i BE-së. Serbia është importuesi më i madh i armëve dhe pajisjeve ushtarake ruse në Evropë. Gjatë viteve të fundit, Rusia i ka dorëzuar Serbisë 30 tanke të modernizuara T-72MS, 30 automjete të blinduara BRDM-2, shtatë helikopterë Mi-17 dhe Mi-35 dhe gjashtë luftëtarë MiG-29. Beogradi gjithashtu bleu një bateri të raketave dhe sistemeve të topave Pantsir-C1. Presidenti serb Aleksandar Vuçiq tha se vendi dëshiron të ketë kompleksin rus S-400, por ende nuk mund ta përballojë atë.
Discussion about this post