Qeveria serbe i është bashkuar vendeve të rajonit të cilat do të heqin të gjitha masat kufizuese anti-Covid. Sipas mediave serbe raportohet se duke filluar nga data 3 maj, do të pezullohen të gjitha masat e kontrollit dhe kufizimet për hyrjen e individëve në republikën e Serbisë, në lidhje me pandeminë Covid-19, si për shtetasit e huaj ashtu edhe për shtetasit serb.
Pas mesnate, shtetasit serbë dhe të huaj, nuk do t’ju kërkohet më të kenë test negativ PCR, test të shpejtë të antigjenit, vërtetim të sëmundjes infektive apo çertifikatë vaksinimi kur të hyjnë në Serbi pavarësisht se nga cili shtet vijnë në Serbi.
Ky vendim është marrë në bazë të situatës pandemike në vend dhe është në përputhje me vendimet e shumicës së vendeve të Europës dhe të rajonit.
Institucionet përgjegjëse vazhdojnë të monitorojnë zhvillimin e situatës epidemiologjike në Serbi nga ora në orë dhe do ta informojnë publikun me kohë.
Discussion about this post