Shanset e Italisë për një biletë në Botëror, flet eksperti i ligjit sportiv

Irani rrezikon të përjashtohet nga “Katar 2022”, për shkak se ndaj Lebanon nuk lejoi 2000 femra me bileta të rregullta të ishin në stadium.

FIFA e kishte paralajmëruar Iranin që në vitin 2019 të lejonte femrat në stadiume, por sërish ato kanë hasur në diskriminim.

FIFA pritet të marrë një vendim paq sqarimeve që do të bëjë Federata Iraniane e Futbollit. Ditën e djeshme kishte shumë lajme dhe mes tyre edhe ai që Italia mund të marrë një biletë për “Katar 2022”.

Eksperti i ligjit sportiv, Carlo Rombola, ka folur për Gianluca Di Marzio dhe sipas rregullores së FIFA-s, nëse ndonjë shoqatë tërhiqet ose përjashtohet nga gara, FIFA vendos sipas gjykimit të saj.

Ai sqaron se nuk ka kritere specifike që të sigurojnë që Italia do të marrë vendin e Iranit në Botërorin e Katarit. FIFA merr një vendim, duke qenë krejtësisht e lirë.