Adiministrata e Joe Biden, presidentit të SHBA-së ka bërë të ditur se do të dhurojnë 80 milionë vaksina për shtete të ndryshme të botës deri në fund të qershorit, ku një ndër këto vende përfituese është edhe Kosova.
Shtëpia e Bardhë ka publikuar planin për shpërndarjen 25 mijë dozave të para të vaksinave, rreth gjashtë milion vaksina nga kjo pjesë e parë janë ndarë për vendet mike të SHBA-së dhe që janë më prioritet për ata, këtu hynë edhe Kosova.
“Përafërsisht 6 milionë doza do të jenë për vendet e rajonit që janë prioritet dhe vendet partnere, përfshirë Meksika, Kanada dhe Republika e Koresë, Bregu Perëndimor dhe Gaza, Ukraina, Kosova, Haiti, Gjeorgjia, Egjipti, Jordania, Iraku dhe Jemen, si dhe për punëtorët e vijës së frontit të Kombeve të Bashkuara”, thuhet në njoftimin e Shtëpisë së Bardhë.
Më tej thuhet se 19 milionë doza të vaksinave do të ndahen nëpërmjet programit COVAX.
“Përafërsisht 6 milionë doza janë për Amerikën Jugore dhe Qendrore për vendet e mëposhtme: Brazil, Argjentinë, Kolumbi, Kosta Rika, Peru, Ekuador, Paraguai, Bolivi, Guatemala, El Salvador, Honduras, Panama, Haiti dhe vendet e tjera të Komunitetit Karaibe (CARICOM), si dhe Republika Dominikane”.
“Përafërsisht 7 milionë doza janë për Azinë në vendet e mëposhtme: Indi, Nepal, Bangladesh, Pakistan, Shiri Lanka, Afganistan, Maldive, Malajzi, Filipine, Vietnam, Indonezi, Tajlandë, Laos, Papua Guinea e Re, Tajvan dhe Ishujt Paqësor. Përafërsisht 5 milionë doza janë për Afrikën që do të ndahen me vendet që do të zgjidhen në koordinim me Bashkimin Afrikan”, thuhet tutje në njoftim.
75 përqind e 80 milionë dozave të vaksinave do të ndahen nëpërmjet mekanizmit COVAX, qëllimi i krejt këtyre vaksinave është që të ndihmohet sa më shumë në përfundimin e koronavirusit në botë.
