Ambasada Amerikane në Shqipëri, ka reaguar pas vendimit të Lulzim Bashës për të përjashtuar ish-kryeministrin Sali Berisha nga grupi parlamentar i PD, duke thënë se është një vendim që meriton respekt.
Në një njoftim zyrtar, ambasada shkruan se PD gjeti kurajon për t’u ndarë nga e shkuara, dhe për të punuar krah SHBA.
“Vendimi i vështirë i shpallur dje nga Kryetari Lulzim Basha meriton respekt. Ky vendim demonstron se, ashtu siç ndodhi 30 vjet më parë dhe në momente të tjera kritike në historinë e Shqipërisë, Partia Demokratike ka kurajon për t’u ndarë nga e shkuara me qëllim që të ndërtojë të ardhmen, për të ndihmuar që ta udhëheqë Shqipërinë përpara. Shtetet e Bashkuara kanë pasur një marrëdhënie të veçantë me Partinë Demokratike që nga themelimi i saj dhe presim me kënaqësi të punojmë më ngushtë se kurrë me Kryetarin Basha dhe Partinë Demokratike për të forcuar marrëdhëniet SHBA-Shqipëri”, shkruan ambasada në Facebook.
Ambasadorja e SHBA, Yuri Kim i ka bërë herë pas herë thirrjes Bashës që të mos lejojë Berishën të futet në Kuvend, duke thënë se PD nuk mund të hajë barë për shkak të një deputeti.
Kështu, me vendimin e tij Basha tregoi se është lehtësisht i shantazhueshëm, pas hoqi dorë nga “babai i tij” politik, për shkak të presioneve nga SHBA.
