Shefat e rinj të komisariateve/ Ja kandidatët që kanë shprehur interes – Lista

Zbardhet lista me kandidatët që kanë shprehur interes për tu zgjedhur në krye të komisariateve të policisë.

Zyrtarisht, Policia konfirmoi këtë të martë se 290 kandidatë i janë përgjigjur urdhrit të Drejtorit të Policisë për të aplikuar për këtë post.

“Mbështetur në pikën 1, pikën 2 shkronja ‘c’ dhe ‘l’ të nenit 55, pikën 3 dhe 4 të nenit 61, të ligjit nr. 82/2024 “Për Policinë e Shtetit’, në Vendimin e Këshillit të Ministrave nr. 641, të datës 16.10.2024 ‘Për miratimin e rregullores për përzgjedhjen e kandidatit për zëvendësdrejtor të përgjithshëm, drejtor të departamentit, drejtor të drejtorisë vendore dhe shef të komisariatit në Policinë e Shtetit’, si dhe në urdhrin e Drejtorit të Përgjithshëm të Policisë së Shtetit nr. 1450, të datës 31.10.2024 “Për shpalljen e thirrjes për konkurrim për pozicionin ‘Shef Komisariati, në Drejtoritë Vendore të Policisë’, pas përfundimit të fazës së aplikimeve, Komisioni i Vlerësimit të Aplikimeve publikon emrat e kandidatëve që kanë shprehur interes për pozicionin ‘Shef Komisariati’”, njoftoi policia.

Komisioni do të kryejë vlerësimin paraprak të aplikimeve, me qëllim verifikimin e plotësimit të kushteve ligjore nga kandidatët të cilët kanë shprehur interes për pozicionin “Shef Komisariati”, shtuan të njëjtat burime.