Bota mund të ketë nevojë për vaksina të reja COVID-19 deri në mesin e vitit 2022 për të mbrojtur kundër mutacioneve të koronavirusit, tha CEO i BioNTech, Ugur Sahin të Dielën.
Sahin i tha Financial Times, se vaksinat aktuale Covid-19, përfshirë atë të BioNTech të zhvilluar me Pfizer, funksionuan kundër varianteve që qarkullojnë, siç është variant shumë ngjitës Delta dhe se dozat përforcuese mund të japin mbrojtje të mëtejshme.
Por variantet e ardhshme të virusit mund të shmangin përgjigjen imune që prodhojnë këto vaksina, tha Sahin. Prandaj, vaksinat e “përshtatura” për COVID-19 mund të jenë të nevojshme, tha ai.
“Këtë vit, një vaksinë tjetër është krejtësisht e panevojshme. Por nga mesi i vitit të ardhshëm, mund të jetë një situatë tjetër. Ky virus do të qëndrojë dhe virusi do të përshtatet më tej. Ne nuk kemi asnjë arsye të supozojmë se virusi i gjeneratës së ardhshme do të jetë më i lehtë për tu trajtuar për sistemin imunitar sesa brezi ekzistues. Ky është një evolucion i vazhdueshëm dhe se evolucioni sapo ka filluar.“-tha Sahin.
Programet e vaksinimit në të gjithë botën do të kenë dy fokuse të veçanta vitin e ardhshëm, një për njerëzit e vaksinuar që kanë nevojë për vaksina përforcuese dhe një tjetër për njerëzit e pavaksinuar me më pak qasje në vaksinime sipas Sahin.
Ceo i Pfizer, Albert Bourla tha në fund të shtatorit se jeta do të kthehej në normale brenda vitit të ardhshëm, pavarësisht se variantet e reja të COVID-19 vazhdojnë të shfaqen.
