Ish- ministri i jashtëm Tritan Shehu, është shprehur skeptik për hapjen e negociatave me BE. Në një intervistë televizive Shehu tha se është një ngjarje historike për vendin tonë, si një mesazh që Shqipëria i përket Europës. Më tutje ai u shpreh se Rama nuk e ka vullnetin për ta çuar vendin në Europë, ndërsa shtoi se qëllimisht e lidhi integrimin me Maqedoninë e Veriut, si një mënyrë për të maskuar dështimin e qeverisë.
“Është një ngjarje historike, çelja e negociatave, drejt një procesi jetik , një mesazh që Shqipëria i përket Europës, një hap i vonuar, që nga viti 2013 e deri tani. Një vonesë qe bie mbi supet e kësaj qeverisje, me politikat e gabuara që ka zbatuar. Rruga përpara është e gjatë, jo e shkurtër. Ajo që ndodhi dje e një qeverisje autokratike ku kërkohet të përbuzet opozita, e një qeverisje larg standarteve demokratike. Një qëndrim despotik i kësaj qeverie. Kemi të bëjmë me një situatë shqetësuese. Rama qëllimisht e lidhi integrimin me Maqedoninë e Veriut. Ne dështuam për 3 kushte, që shkuan në 15 e më tepër. Rama për të maskuar dështimin e qeverisë na lidhi me Maqedoninë , ishte një veprim cinik për të fshehur dështimet e brendshme. E shoh Shqipërinë në një udhëkryq historik. Rama nuk ka vullnetin për të çuar Shqipërinë në Europë”, është shprehur ai. Ndërsa deklaroi se fokusi duhet të jetë leminimi i korrupsionit në Administratë.
Discussion about this post