Arabia Saudite ofron plot 200 milionë euro për të organizuar sërish Superkupën e Italisë edhe për tre vite të tjera.
Aktualisht liga italiane e futbollit përfiton 20 milion euro plus bonuse, kurse me marrëveshjen e re të propozuar shifrat janë shumë herë më të larta.
Kjo rritje vjen për shkak se në Arabinë Saudite kërkojnë që të ndryshojë formula e Superkupës së Italisë.
Për kontratën e re kërkohet një “Final 4” në Superkupën e Italisë, ku të marrin pjesë edhe vendi i dytë në kampionat, ashtu edhe finalisti i Kupës. Mbetet të shihet reagimi i ligës italiane të futbollit pasi oferta është shumë e majme.
