Sherr me gota në një lokal të Pogradecit, dy persona përfundojnë në spital dhe tre në komisariat

Një konflikt mes disa personave ka ndodhur ditën e sotme në një lokal në lagjen nr.1, në qytetin e Pogradecit. Sipas informacioneve zyrtare policore, dy persona kanë përfunduar në spital pas sherrit për shkak të plagëve të shkaktuara nga goditja me gotë.

Ndërkohë nga ana tjetër tre persona janë shoqëruar në komisariat lidhur me ngjarjen. Policia dhe grupi hetimor po punon për sqarimin dhe zbardhjen e rrethanave të rastit.

Njoftimi:

Pogradec / Informacion paraprak

Në lagjen nr. 1, Pogradec, pas një konflikti për motive të dobëta në një lokal, janë dëmtuar me gota shtetasit M. Xh. dhe K. N., të cilët ndodhen në spital për ndihmë mjekësore, jashtë rrezikut për jetën.

Shtetasit A.K., N.Ç dhe D.Xh, janë shoqëruar në Komisariat për veprime të mëtejshme.

Grupi hetimor po punon për sqarimin e rrethanave dhe dokumentimin ligjor të rastit.