Shevçenko zbarkon në Itali dhe kërcënon Murinjon

Andri Shevçenko rikthehet zyrtarisht në Itali por tani jo më si futbollist ku fitoi gjithçka me Milanin por në rolin e trajnerit.

45-vjeçari u largua pas plot pesë sezonesh nën drejtimin e kombëtares ukrainase teksa pak ditë më parë vendosi të niste një aventurë të re larg vendlindjes së tij. Shevçenko ka firmosur me skuadrën e Xhenoas në kampionatin italian teksa është prezantuar sot me lojtarët dhe stafin drejtues ndërsa marrëveshja ishte arritur disa ditë më parë.

Shevçenko do të debutojë me Xhenoan në datën 21 nëntor, në sfidën me Romën, ku përballë do të ketë Zhoze Murinjos.

Pritet një përballje shumë e fortë për shkak se Roma është e uritur për të fituar ndërsa Xhenoa kërkon suksesin e parë nën drejtimin e trajnerit të ri.