Një grua 40-vjeçare u arrestua këtë të martë në qytetin izraelit të “Or Yehuda” pasi policia zbuloi se shiste trupin e vajzës së saj 15-vjeçare për prostitucion.
Bashkë me nënën e të miturës në pranga ranë edhe partneri i saj si edhe gjashtë burra të tjerë që kishin kryer marrëdhënie seksuale me të miturën kundrejt parave.
Operacioni u zhvillua nga njësia qendrore e Policisë Rajonale të Tel Avivit pasi kishin indicie se 15-vjeçarja po detyrohej të kryente prostitucion.
Hetimi nisën kur njësia qendrore mori raportime për persona të rritur kërkonin nga një të mitur shërbime seksuale.Klientët e të miturës sigurohesh nga e ëma dhe nga një faqe interneti.
Hetimi mblodhi prova për t’i përdorur kundër të dyshuarve me nënën si të dyshuar kryesore për shitjen e trupit të vajzës së saj për shuma të mëdha parash, të cilat ajo i përdorte për shpenzime familjare.
Hetimi është bërë publik mëngjesin e së martës me arrestimin e të dyshuarve, ndërsa shtëpitë e tyre janë kontrolluar për prova të mëtejshme që do të ndihmonin në hetim. Policia tha se pritet të bëjë arrestime të tjera.
Nëna dhe partneri i saj janë lënë në paraburgim deri të premten, ndërsa prokurorët do të kërkojnë vazhdimin e arrestimeve për të dyshuarit e tjerë.
