Sipas agjencisë së Gardës Kufitare polake, 1.2 milionë njerëz kanë ikur nga Ukraina në Poloni që nga fillimi i luftës. Vetëm të hënën, 141,500 persona kaluan kufirin, shkroi agjencia në Twitter.
Rreth 90% e njerëzve që ikin janë shtetas ukrainas, kryesisht gra dhe fëmijë. Një akademik vlerëson se rreth 40% e refugjatëve janë larguar tashmë nga Polonia për në vende të tjera.
Polonia u bë shtëpia e shumë ukrainasve, vlerësimet variojnë nga një deri në dy milion njerëz kanë ardhur për të qëndruar me familjen ose miqtë aty, raporton BBC. Mijëra polakë po presin refugjatë edhe në shtëpitë e tyre, dhe sot parlamenti i Polonisë do të diskutojë legjislacionin e urgjencës për të kompensuar ata që bëjnë shpenzimet e tyre shtesë.
Legjislacioni do të lejojë gjithashtu ukrainasit të jetojnë dhe punojnë në Poloni për 18 muaj dhe të marrin kujdes shëndetësor dhe shkollim falas.
Discussion about this post