Shifra të larta nga Covid-19, situata në Itali

Shifrat nga Covid-19 vijojnë të jenë të larta në Itali, ku edhe në 24 orët e fundit ka pasur një numër të madh të prekurish.

Pas testimeve të bëra, 6764 persona kanë rezultuar pozitivë me koronavirus. Gjithashtu raportohet se 51 pacientë kanë humbur jetën.
Autoritetet shëndetësore në Itali bëjnë me dije se në terapi intensive janë shtruar 395 pacientë dhe 3730 të shëruar. Norma e pozitivitetit është 1.2%.

Prej fillimit të pandemisë kanë humbur jetën në total 132.334 qytetarë.
Numri i pacientëve të shëruar në gjithë periudhën pandemike është 4,572,775 persona.