Një 25-vjeçar banues në Baldushk është vënë në pranga pasi akuzohet për prodhim dhe shitje të lëndëve narkotike. Sipas burimeve , i riu është prangosur në kuadër të operacionit të koduar “Baldushku” teksa udhëtonte me mjetin e tij brenda të cilit u gjetën 2 kg e 200 gramë kanabis. Gjithashtu u sekuestrua makina, një dorezë metalike (përforcues grushti), një aparat celular, doreza plastike dhe maska. Në kërkim është shpallur bashkëpunëtori i 25-vjeçarit, 39-vjeçari me inicialet I.Sh.
Sakaq, bëhet me dije se, se një kilogram kanabis shitej për 700 euro. Burimet tregojnë se dy të rinjtë, në bashkëpunim me njëri-tjetrin, pasi kultivonin bimë narkotike në zona malore në fshatin Baldushk, e përpunonin dhe e shisnin lëndën narkotike te blerës të ndryshëm, kundrejt pagesës 700 euro një kilogram. Në vijim të kontrollit, në banesën e shtetasit I. Sh., shërbimet e Policisë kanë gjetur dhe sekuestruar një dorezë metalike (përforcues grushti), doreza plastike dhe maska. Ndërsa bëhet me dije se puna vijon për të zbardhur më shumë detaje nga skema se si funksionin të rinjtë dhe cilët perona bashkëpunonin me ta.
Discussion about this post