Deputeti i Partisë Demokratike Tritan Shehu, ka reaguar nëpërmjet një statusi në rrjetin social “Facebook”, në lidhje me shkarkimin e Flamur Nokës.
Shehu e ka quajtur një “ndëshkim” pa asnjë vendim kolegjial, pa pyetur askënd e në shkelje të statutit. Sipas deputetit, këto janë ngjarje të gabuara e aspak normale për Partinë Demokratike. Me të njëjtin mendim, ai cilëson dhe shkarkimin e ish-liderit Sali Berisha, pra për të dyja këto vendime të kryetarit, i cilëson të gabuara.
Ndër të tjera, Shehu është shprehur se Noka është trajtuar si të ishte Zhukovi i BS, për mënyrën se si u shkarkua.
Në përfundim të reagimit të tij, Tritan Shehu bën me dije se duhet të shkohet sa më parë në Kongresin Kombëtar të Partisë Demokratike.
“Një gjë mund të parashikojmë, faktin se kjo metodikë, këto “masa”, nuk ndjellin asgjë të mirë për PD, demokratët dhe demokracinë shqiptare.
Prandaj sa më shpejt të shkojmë në Kongresin tonë!” shkruan Shehu.
