SunSport bën me dije se pronari Todd Boehly po përgatitet për një kërkim të gjatë dhe të plotë për një trajner të ri, pasi ka parë dështimin e tij të parë.
‘Blutë’ shkarkuan të dielën Graham Potterin pas vetëm shtatë muajsh në krye dhe 330 milionë paundë të shpenzuara në afatin kalimtar të janarit.
Potter u punësua me një marrëveshje pesëvjeçare me vlerë 12 milionë paundë në vit, pasi trajneri fitues i Champions League, Thomas Tuchel, u shkarkua pas një fillimi të dobët të sezonit.
Chelsea e mbështeti ish-trajnerin e Brighton me 330 milionë paundë në afatin kalimtar të janarit, duke i çuar shpenzimet e tyre këtë sezon mbi 600 milionë.
Megjithatë, Potter nuk ishte në gjendje të kthejë fatin e Chelseas, që aktualisht është në vendin e 11-të, pas humbjes 2-0 në shtëpi ndaj Aston Villa të shtunën.
Bruno Saltor do të marrë drejtimin e londinezëve perëndimor, derisa të emërohet një pasardhës i përhershëm për Potter.
Dhe kuptohet që Bruno mund të qëndrojë në krye si trajner i përkohshëm për pjesën tjetër të sezonit.
Boehly dhe pjesa tjetër e drejtuesve të Chelsea-s kanë pranuar se nuk ka gjasa të kualifikohen në Champions League sezonin e ardhshëm përmes ‘Top 4’-shes megjithëse po përgatiten të përballen me Real Madridin në çerekfinale javën e ardhshme.
Prandaj ata janë të përgatitur të presin dhe të nisin një kërkim të gjerë për një njeri të ri për të marrë përgjegjësinë dhe për t’i udhëhequr ata për një kohë afatgjatë.
Trajneri gjerman Julian Nagelsmann, i cili u shkarkua çuditërisht nga Bayern Munich muajin e kaluar dhe u zëvendësua nga Tuchel, është favoriti i hershëm për këtë punë.
35-vjeçari mbërriti te Bayern nga RB Leipzig në vitin 2021 dhe fitoi Bundesligën me tetë pikë në sezonin e tij të parë në krye, si dhe i çoi ata drejt fitoreve të njëpasnjëshme të Superkupës së Gjermanisë.
Raportet kanë pohuar gjithashtu, se drejtori i ri teknik i Chelseas, Christian Vivell po “shtyhet” që ai të marrë drejtimin.
Ish-trajneri i Spurs-it dhe PSG-së, Mauricio Pochettino është një tjetër favorit me lojtarët e Chelseas dhe mbetet një trajner i lire, pasi u shkarkua nga Paris Saint-Germain në qershor 2022, pavarësisht se i çoi ata drejt titullit francez.
Kandidatët e tjerë përfshijnë ish-trajnerin e Real Madridit, Zinedine Zidane, ish-trajneri i Spanjës, Luis Enrique, Oliver Glasner të Eintracht Frankfurt, madje edhe dy herë ish-trajnerin e ‘Bluve’, Jose Mourinho, i cili tani është te Roma.
Potter, 47 vjeç, lë Chelsean me rekordin më të keq të çdo trajneri të Bluve në epokën e Premier League, duke u shkarkuar pas një ecurie tmerri.
Ish-trajneri i Brighton largohet nga Stamford Bridge me rekordin më të keq të pikëve, duke marrë një mesatare prej 1.27 pikësh për ndeshje.
Potter fitoi 7 nga 22 ndeshjet e tij në krye të klubit, duke barazuar shtatë dhe humbur tetë. Kjo u përkthye në atë që blutë të mbledhin vetëm 28 pikë nga 66 në dispozicion.
Discussion about this post